హిమాచల్ ప్రదేశ్‌లోని కులు, లాహౌల్-స్పితి జిల్లాల మధ్య హంప్టా పాస్ వద్ద ఓ ట్రెక్టర్ కనిపించకుండా పోయాడు. అయితే అతనితో పాటు మరో ట్రెక్కర్ తాము అనుకున్న ప్లేస్కు చేరుకోగా ఈ ఇజ్రాయెల్ ట్రెక్కర్ మాత్రం రాలేదు. దీంతో అతను పోలీసులకు కంప్లెయింట్ ఇచ్చాడు. దీంతో తప్పిపోయిన ట్రెక్కర్ని కనుగొనేందుకు అడ్వెంచర్ టూర్స్ ఆపరేటర్స్ అసోసియేషన్ మనాలికి చెందిన ఇద్దరు సబ్యులతో రెస్క్యూ ఆపరేషన్ చేపట్టింది. కాగా, వారు తప్పిపోయిన ఇజ్రాయెల్ ట్రెక్కర్ రాన్ (26) ని సోమవారం మధ్యాహ్నం కనిపెట్టారు.
అయితే.. ఈ 26 ఏళ్ల ఇజ్రాయెల్ ట్రెక్కర్ రాన్.. మరో ట్రెక్కర్ యువన్ కోహన్ (24)తో కలిసి హంప్టా ట్రెక్‌ను దాటాల్సి ఉంది. కోహన్ ఆదివారం మిడ్నైట్ లాహౌల్-స్పితి జిల్లాలోని కోక్సర్ ప్రాంతానికి చేరుకోగా, రాన్ మాత్రం ఆ ప్రాంతానికి ఇంకా రాలేదు. దీంతో అతను తప్పిపోయినట్టు గుర్తించి కనుగొనడానికి పోలీసులకు కంప్లెయింట్ చేశాడు. అలర్ట్ అయిన పోలీసులు అడ్వెంచర్ టూర్స్ ఆపరేటర్స్ అసోసియేషన్ తో రెస్క్యూ నిర్వహించారు.
కాగా, తప్పిపోయిన ట్రెక్కర్‌ను గుర్తించామని.. ప్రస్తుతం అతను క్యాంపులో సేఫ్గానే ఉన్నాడని కులు సూపరింటెండెంట్ ఆఫ్ పోలీస్ (ఎస్పీ) గురుదేవ్ శర్మ తెలిపారు. రాన్, కోహన్ కలిసి జూన్ 9న కులు జిల్లాలోని మనాలి నుండి హమ్తా టాప్ మీదుగా లాహౌల్-స్పితి జిల్లాలోని కోక్సర్ వైపు తమ పాదయాత్రను ప్రారంభించారని.. వారి ట్రెక్కింగ్లో చిన్నపాటి అవరోధం కలిగిందన్నారు. ఇప్పుడు వారు సేఫ్గా ఉన్నట్టు మీడియాకు తెలిపారు.
