దేశంలో మళ్లీ పడగ విప్పుతున్న కరోనా

దేశంలో కరోనా కేసులు మళ్లీ పెరుగుతున్నాయి. బుధవారంతో పోలిస్తే ఈ రోజులు కేసులు స్వల్పంగా పెరిగాయి. కొత్తగా 42,982 మందికి వైరస్ నిర్ధారణ కాగా.. 533 మంది మరణించారు. అదే సమయంలో 41,726 మంది కొవిడ్​ నుంచి కోలుకున్నారు. ఇప్పటి వరకు మొత్తం నమోదైన కేసులు సంఖ్య 3,18,12,114 ఉండగా.. 4,26,290 మంది మరణించారు. ఇక కోవిడ్ నుంచి 3,09,74,748 మంది పూర్తిగా కోలుకున్నారు.  ప్రస్తుతం దేశంలో 4,11,076 యాక్టివ్​ కేసులున్నట్లు కేంద్ర వైద్య ఆరోగ్య శాఖ వెల్లడించింది.

దేశంలో టీకా పంపిణీ కార్యక్రమం ముమ్మరంగా కొనసాగుతోంది. ఇప్పటివరకు మొత్తం 48,93,42,295 టీకా డోసులను పంపిణీ చేసినట్లు కేంద్ర ఆరోగ్య శాఖ తెలిపింది. బుధవారం కొత్తగా 37,55,115 డోసులు అందించినట్లు పేర్కొంది.