చ‌క్క‌టి మొహం, ఆమె న‌వ్వితే న‌వ‌ర‌త్నాలే అనేంత అందం ఆమె సొంతం. అప్ప‌టికీ, ఇప్ప‌టికీ ఆమె అందానికి దాసోహ‌మ‌వ్వాల్సిందే..ఆమె మైనే ప్యార్ కియా ఈ చిత్రంతో బాలీవుడ్ కి ప‌రిచ‌యం అయింది భాగ్యశ్రీ. మొద‌టి చిత్రంతోనే ఆమె స్టార్ హీరోయిన్ గా మారిపోయింది. సూరజ్ బ‌ర్జాత్యా ఈ మూవీని తెర‌కెక్కించారు. కాగా ఈ చిత్రంలో బాలీవుడ్ స్టార్ హీరో సల్మాన్ ఖాన్ న‌టించాడు. ఈ సినిమాలో నటించిన నటి భాగ్యశ్రీ రాత్రికి రాత్రే ఫేమస్ అయిపోయింది. ఈ సినిమా తర్వాత భాగ్యశ్రీ సాధించిన స్థానాన్ని ఎవరూ భ‌ర్తీ చేయలేకపోయారు. నేడు భాగ్యశ్రీ బ‌ర్త్ డే. ఇప్ప‌టికి ఆమె చెక్కు చెద‌ర‌ని అందంతో మెరుస్తునున్నారు. భాగ్యశ్రీ ‘మైనే ప్యార్ కియా’ చిత్రంలో సల్మాన్‌తో రొమాన్స్ చేసింది, అయితే ఆమె సల్మాన్‌ను ముద్దు పెట్టుకోవడానికి నిరాకరించింది. అవును, అద్దం సాయంతో చిత్రీకరించిన ఈ చిత్రంలో సల్మాన్, భాగ్యశ్రీల మధ్య ముద్దు సన్నివేశం ఉంది. ఈ సినిమాలో ముద్దుల సీన్ చేయడానికి నిరాకరించింద‌ట భాగ్యశ్రీ. ఈ విషయాన్ని స్వయంగా సల్మాన్ తెలిపాడు. భాగ్యశ్రీ తిరస్కరణకు అంగీకరించిన సల్మాన్ కూడా నిరాకరించాడు, ఆ తర్వాత దర్శకుడు గ్లాస్ ద్వారా సన్నివేశాన్ని చిత్రీకరించాడు.
ఈ ముద్దు సన్నివేశం పూర్తయ్యాక మళ్లీ ఓ సన్నివేశాన్ని చిత్రీకరించామని చెప్పారు. అందులో భాగ్యశ్రీ షార్ట్ డ్రెస్ వేసుకోవాల్సి వచ్చింది. దాంతో భాగ్యశ్రీకి ఎలాంటి ఇబ్బంది కలగలేదు కానీ.. ఆ సమయంలో పెళ్లి చేసుకోబోతుంది. దాంతో ఆమె భర్త హిమాలయ నా భార్య పొట్టి డ్రెస్ వేసుకోదు అని చెప్పాడు. అయితే ఎలాగోలా ఈ సీన్‌ని మళ్లీ చిత్రీకరించారు.పెళ్ల‌యిన తర్వాత మూడు చిత్రాల్లో నటించింది. ఖైద్ మైన్ హై బుల్బుల్, త్యాగి, పాయల్, ఆమె భర్త సరసన 1992లో నటించారు. ఆమె 1993లో ఘర్ ఆయా మేరా పరదేశిలో అవినాష్ వాధవాన్‌తో కలిసి నటించింది.1990లలో ఇది ఆమె చివరి హిందీ చిత్రం. ఆమె కొన్ని తమిళ, కన్నడ , తెలుగు చిత్రాలలో కనిపించింది. ఆమె యువరత్న రాణా (1998) చిత్రంతో తెలుగులోకి ప్రవేశించింది. ఆమె టెలివిజన్ సిరీస్ CID , కభీ కభీ ఎపిసోడ్‌లలో కూడా కనిపించింది. ఇక భాగ్యశ్రీకి ఇద్దరు పిల్లలు ఉన్నారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి..