Saturday, June 3, 2023

Spl Story: కృత్రిమ మేధ గ్యాడ్జెట్స్​తో అనర్థాలు.. అట్లాంటి యాప్స్​ వాడడం వల్ల డేంజర్​లో హెల్త్​!

ఇప్పుడు లోకం పోకడ మారింది. అందరి దగ్గరా స్మార్ట్​ గ్యాడ్జెట్స్​.. స్మార్ట్​ ఫోన్​ యాప్స్ ఉంటున్నాయి. ప్రతి పనిలోనూ వాటిని ఫుల్​గా వాడేస్తున్నారు. యాప్స్​ని వినియోగించకుండా అస్సలు ఉండలేకపోతున్నారు. బ్లడ్​ ప్రెజర్​, హార్ట్​ బీట్​రేట్​, బ్రీతింగ్​ పర్టికులర్స్​ వంటివాటిని తెలుసుకోవడానికి మనకు అందుబాటులో చాలా గ్యాడ్జెట్స్​, స్మార్ట్​ఫోన్లలో యాప్స్​ వచ్చాయి. అయితే.. వీటి వాడకం వల్ల మేలు కన్నా అనర్థమే ఎక్కువ అంటున్నారు పరిశీలకులు.

దీనిపై యూకేలో జరిపిన ఓ అధ్యయనంలో పలు ఇంట్రెస్టింగ్​ విషయాలు తెలిశాయి. చర్మ కేన్సర్‌ను గుర్తించడానికి కృత్రిమ మేధస్సు (AI)ని ఉపయోగించే స్మార్ట్ ఫోన్ యాప్‌లు ప్రజలకు ప్రమాదం కలిగిస్తున్నాయని ఈ మధ్య జరిపిన పరిశోధనల్లో వెల్లడైంది. ఈ యాప్‌లు ఉపయోగించడం సురక్షితమని చాలా మంది అనుకుంటున్నారు. కానీ, బ్రిటిష్ అసోసియేషన్ ఆఫ్ డెర్మటాలజిస్ట్స్ (BAD) నిపుణులు దీనిపై చాలా సీరియస్​గా హెచ్చరికలు జారీ చేశారు. ఇవి తగిన ప్రమాణాలను పాటించడం లేదని, యాప్‌లలో వైఫల్యంతో పాటు, వినియోగదారులను ప్రమాదంలో పడేస్తున్నట్టు వారు తెలిపారు.

- Advertisement -
   

బ్రిటిష్​ అసోసియేషన్​ ఆఫ్​ డెర్మటాలజిస్ట్స్​ (BAD) AI వర్కింగ్ గ్రూప్ నుండి ఈ హెచ్చరిక చేశారు. UKలోని 41% మంది వ్యక్తులు చర్మ కేన్సర్‌లను గుర్తించడానికి AIని ఉపయోగించే స్మార్ట్ ఫోన్ అప్లికేషన్‌ను వాడుతున్నారని అధ్యయనం ద్వారా వెల్లడైంది. దీనికి YouGov సర్వే నిర్వహించింది. ఇందులో కేవలం 4% మంది మాత్రమే యాప్​ల పనితీరు సరిగా లేదని తెలిపారు. కాగా, సగానికి పైగా అంటే 52% మంది యాప్​ల పనితీరు చాలా బాగుంటుందని, వాటి పనితీరుపై తమకు నమ్మకం ఉందని చెప్పారు.

వైద్య నిర్ధారణ లేదా చికిత్స కోసం AIని ఉపయోగించే అన్ని యాప్‌లు మెడిసిన్స్ మరియు హెల్త్ కేర్ ప్రొడక్ట్స్ రెగ్యులేటరీ ఏజెన్సీ (MHRA) వంటి నియంత్రణ సంస్థలచే ‘వైద్య పరికరాలు’గా గుర్తింపు పొందాయి. అయితే.. దీనికి అవి వాడడం సురక్షితం అని చెప్పినట్టు కాదని, అట్లాంటి పరికరాల పనితీరు బాగుంటుందా లేదా అని చెప్పలేమని అంటున్నారు పరిశీలకులు.

UKలో అమ్ముడవుతున్న అన్ని వైద్య పరికరాలు తప్పనిసరిగా మూడు మార్కులలో ఒకదానితో ధ్రువీకరించినవి అయి ఉండాలి. CE (కన్ఫార్మిట్ యూరోపీన్), UKCA (UK కన్ఫార్మిటీ అసెస్డ్) లేదా UKNI (UK ఉత్తర ఐర్లాండ్). క్లాస్ IIa మరియు అంతకంటే ఎక్కువ మార్కు జాతీయ లేదా అంతర్జాతీయ ఆరోగ్య అధికారులచే పర్యవేక్షించిన తర్వాతే వాటికి అధికారిక ప్రక్రియను నిర్ధారిస్తారు. డయాగ్నస్టిక్ స్కిన్ కేన్సర్ యాప్‌లను ఉపయోగిస్తున్నప్పుడు హెచ్చరికలను గుర్తించడంలో ప్రజలకు సహాయపడటానికి బ్రిటిష్​ అసోసియేషన్​ ఆఫ్​ డెర్మటాలజిస్ట్స్​ (BAD) ఒక గైడ్‌ను కూడా రూపొందించినట్టు వైద్య నిపుణులు చెబుతున్నారు.

Advertisement

తాజా వార్తలు

Advertisement