Delhi fog : ఢిల్లీని కమ్మేసిన పొగమంచు

దేశ రాజధాని ఢిల్లీని పొగమంచు కప్పేసింది. ఢిల్లీ ఎయిర్‌ పోర్టులో పొగమంచు కారణంగా విమానాల రాకపోకలకు అంతరాయం ఏర్పడింది. ల్యాండింగ్, టేకాఫ్‌లకు కాస్త ఇబ్బందులు తలెత్తాయి. ఢిల్లీలో కనిష్ట ఉష్ణోగ్రత 6 డిగ్రీల సెల్సియస్‌గా నమోదు అయిందని భారత వాతావరణ శాఖ (IMD) తెలిపింది. పంజాబ్, రాజస్థాన్, తూర్పు ఉత్తరప్రదేశ్, ఢిల్లీలోని పలు ప్రాంతాల్లో దట్టమైన పొగమంచు కనిపించింది. ఢిల్లీలోని సఫ్దర్‌జంగ్‌లో శనివారం ఉదయం దృశ్యమానత 50 మీటర్లుగా నమోదైంది.