యునెస్కో సృజనాత్మక నగరాల నెట్‌వర్క్ (UNESCO Creative Cities Network)లో జమ్ముకశ్మీర్ రాజధాని శ్రీనగర్ కు చోటు దక్కింది. దీంతో శ్రీనగర్ కు ప్రపంచస్థాయి గుర్తింపు లభించినట్లయింది. ప్రపంచంలో ఇట్లాంటి 49 సిటీస్‌ని దీనిలో కొత్తగా చేర్చారు. దీంతో 90 దేశాల్లో సృజనాత్మక నగరాల సంఖ్య 295కి చేరింది. శ్రీనగర్‌తో పాటు గ్వాలియర్ (Gwalior)ను జాబితాలో చేర్చాలని ‘యునెస్కో (UNESCO)తో సహకారానికి భారత జాతీయ కమిషన్‌’ గతంలో సిఫార్సు చేసింది. దీనిలో శ్రీనగర్‌కే అవకాశం దక్కింది.
దీనిపై ప్రధాన‌మంత్రి నరేంద్ర మోడీ (PM Modi) స్పందించారు. సాంస్కృతిక, నైతికతకు నెలవైన శ్రీనగర్కు సరైన గౌరవం దక్కిందని అన్నారు. “ఎంతో అందమైన శ్రీనగర్.. జానపద కళలు, చేతివృత్తులు వంటి ప్రత్యేక కళలతో యునెస్కో ప్రకటించిన క్రియేటివ్ సిటీస్ నెట్‌వర్క్ జాబితాలో చోటుదక్కించుకోవడం సంతోషంగా ఉంది. ఇది శ్రీనగర్కు సాంస్కృతిక పరంగా మంచి గుర్తింపు. జమ్ముకశ్మీర్ ప్రజలకు అభినందనలు అని ట్విట్ట‌ర్‌లో తెలిపారు.
Delighted that beautiful Srinagar joins the @UNESCO Creative Cities Network (UCCN) with a special mention for its craft and folk art. It is a fitting recognition for the vibrant cultural ethos of Srinagar. Congratulations to the people of Jammu and Kashmir.
— Narendra Modi (@narendramodi) November 8, 2021