వేలానికి- తొలి త‌రం యాపిల్ ప్రొటో టైప్ కంప్యూట‌ర్

ఇప్పుడంటే టెక్నాల‌జీ పెరిగి ప‌లు ర‌కాల కంప్యూట‌ర్స్ వ‌చ్చాయి. కానీ తొలి త‌రం యాపిల్ ప్రొటోటైప్ కంప్యూట‌ర్ ని చూశారు. ఈ కంప్యూట‌ర్ ని వేలం వేయ‌నున్నారు. యాపిల్ సహ వ్యవస్థాపకుడు స్టీవ్ జాబ్స్ వాడారు. 1976కు ముందు ఆయన దీన్ని వినియోగించే వారు. వేలం నుంచి 5 లక్షల డాలర్లు (రూ.4 కోట్లు) రావచ్చని అంచనా వేస్తున్నారు. ఆర్ఆర్ వేలం సంస్థ దీనికి వేలం వేయనుంది. ఇప్పటికే 2 లక్షల డాలర్లకు బిడ్డింగ్ చేరింది. ఆగస్ట్ 18 వరకు వేలం కొనసాగుతుంది. స్టీవ్ వోజ్నియాక్, ప్యాటీ జాబ్స్, డేనియల్ కొట్కే తో కలసి స్టీవ్ జాబ్స్ డిజైన్ చేసిన 200 కంప్యూటర్లలో ఇది కూడా ఒకటి. అయితే, ఈ కంప్యూటర్ పని చేయడం లేదట. స్టీవ్ జాబ్స్ స్వయంగా కొన్ని విడిభాగాలను తీసి వేరే కంప్యూటర్ కోసం వినియోగించి ఉంటారని వేలం నిర్వహించే సంస్థ తెలిపింది. గతంలో 2014లోనూ యాపిల్ తొలి తరం కంప్యూటర్ ఒకటి 9,05,000 డాలర్లు పలకడం గమనార్హం.