ప్రియురాలిని ప్రియుడు చంపి మ్యాన్ హోల్ దాచిపెట్టిన ఘటన తెలంగాణ రాష్ట్రంలోని శంషాబాద్ లో చోటు చేసుకుంది. సదరు ప్రియుడు సాయి కృష్ణను పోలీసులు అదుపులోకి తీసుకున్నారు. అప్సర అనే యువతి ఈనెల 3న అదృశ్యమయ్యింది. ఆమె గురించి వెతుకుతున్న క్రమంలో ఈ దారుణ ఘటన వెలుగు చూపింది. ఈ కేసు విచారణలో భాగంగా నిందితుడు సాయికృష్ణను పోలీసులు అరెస్ట్ చేశారు. సాయికృష్ణకు అప్సరతో కొంతకాలంగా వివాహేతర సంబంధం ఉంది. సాయికృష్ణకు గతంలోనే వివాహమైంది.
ఇటీవల అప్సర తనను వివాహం చేసుకోవాలని సాయికృష్ణను పట్టుబట్టడంతో అతను ఈ దారుణానికి ఒడిగట్టాడు. ఆమెను చంపేసి సరూర్ నగర్ లోని ఓ మ్యాన్ హోల్ లో దాచి పెట్టాడు. విచారణలో ఈ విషయం వెలుగులోకి రావడంతో పోలీసులు సాయికృష్ణను అరెస్ట్ చేశారు. ఈ ఘటనకు సంబంధించిన మరిన్ని వివరాలు తెలియాల్సి ఉంది.