ఉత్తరప్రదేశ్లోని లఖీంపూర్ఖేరీ సమీపంలోని అటవీ ప్రాంతంలో ఓ పెద్దపులి 40ఏళ్ల వ్యక్తిపై అటాక్ చేసింది. సౌత్ ఖేరీ ఫారెస్ట్ డివిజన్‌లోని మహేశ్‌పూర్ పరిధిలో ఇవ్వాల (శనివారం) ఈ ఘటన జరిగింది. ఈ విషయాన్ని అటవీశాఖ అధికారులు కూడా ధ్రువీకరించారు. హైదరాబాద్ పోలీస్ స్టేషన్ పరిధిలోని బకర్‌గంజ్ గ్రామానికి చెందిన వీర్‌పాల్ పశువులకు మేత కోసం చెరుకు తోటకు వెళ్లగా పెద్ద పులి దాడి చేసిందని సౌత్ఖేరీ డివిజనల్ ఫారెస్ట్ ఆఫీసర్ సంజయ్ బిస్వాల్ తెలిపారు.
చుట్టుపక్కల పొలాల్లో పని చేస్తున్న ఇతర రైతులు అతనిని రక్షించడానికి పరుగెత్తడంతో.. పులి అక్కడి నుంచి అటవీ ప్రాంతంలోకి వెళ్లింది. వీర్‌పాల్‌ను గోలాలోని ఆరోగ్య కేంద్రానికి తరలించగా అక్కడ చికిత్స పొందుతూ చనిపోయారు. ఈ క్రమంలో క్షేత్రస్థాయి సిబ్బందితో కలిసి ఆ ప్రాంతాన్ని సందర్శించి పరిస్థితిని సమీక్షించినట్టు సంజయ్ బిస్వాల్ తెలిపారు.
మృతుడి కుటుంబానికి అన్ని విధాలుగా సహాయం చేస్తామని, పులిని అడవిలోకి తరిమికొట్టేందుకు కూంబింగ్ టీమ్‌లను నియమించినట్లు బిస్వాల్ తెలిపారు. పులులు, చిరుతపులులతో సహా పెద్దపులుల సంచారం ఈ ప్రాంతంలో ఎక్కువగా ఉంటుందని బిస్వాల్ చెప్పారు. దీంతో గ్రామస్తులు పొలాల్లోకి వెళ్లేటప్పుడు అప్రమత్తంగా ఉండాలని కోరారు.