ఆంధ్ర‌ప్ర‌భ, వెబ్ డెస్క్ : అమెరికా అధ్యక్షుడు డొనాల్డ్ ట్రంప్ (Donald Trump) భారతదేశంపై ఒక పెద్ద నిర్ణయం తీసుకున్నారు. ఆగస్టు 1, 2025 నుంచి భారతదేశం నుంచి అమెరికాకు పంపే వస్తువులపై 25% పన్ను అంటే సుంకం విధించనుంది. భారతదేశం (India) రష్యా నుంచి ఆయుధాలు, చమురును కొనుగోలు చేస్తున్నందున ట్రంప్ ఈ నిర్ణయం తీసుకున్న విషయం తెలిసిందే. ఇప్పుడు అందరి ప్రశ్న ఏమిటంటే ఈ ఎఫెక్ట్ సామాన్య ప్రజలకి, మధ్యతరగతి ప్రజలపై ఎలాంటి ప్రభావం చూపుతుంది..? పెట్రోల్, డీజిల్ ఖరీదైనవి అవుతాయా..? ఔషధాల ధరలు పెరుగుతాయా..? వంటి ప్రశ్నలు సామాన్యులు చర్చించుకుంటున్నారు.
ప్రస్తుతం ఈ సుంకాలు భారతదేశం నుంచి అమెరికా (America) కు వచ్చే వస్తువులకు మాత్రమే వర్తిస్తాయి. కానీ భారతదేశం కూడా అమెరికా నుంచి వచ్చే వస్తువులపై పన్నులను పెంచితే, కొన్ని విషయాలు మీ బడ్జెట్‌ను ప్రభావితం చేయవచ్చని నిపుణులు అంటున్నారు. పెట్రోల్, డీజిల్, గ్యాస్ సిలిండర్లు భారతదేశం అమెరికా నుంచి చాలా ముడి చమురు, LPGని దిగుమతి చేసుకుంటుంది. భారతదేశం వీటిపై పన్నులు పెంచితే, పెట్రోల్-డీజిల్ (Petrol-Diesel), గ్యాస్ సిలిండర్ల ధరలు 5-7 రూపాయలు పెరగవచ్చు. అమెరికా నుంచి భారతదేశానికి అనేక పెద్ద యంత్రాలు, ఎలక్ట్రానిక్ వస్తువులు వస్తాయి. వాటిపై కూడా పన్నులు విధిస్తే, వాషింగ్ మెషీన్లు, రిఫ్రిజిరేటర్లు లేదా మొబైల్స్ వంటి అనేక గృహోపకరణాలు ఖరీదైనవిగా మారవచ్చు. పురుగుమందులు, రసాయన ఉత్పత్తులు.. వ్యవసాయంలో ఉపయోగించే రసాయనాలు, పురుగుమందులు కూడా అమెరికా నుంచి వస్తాయి. వాటి ధరల పెరుగుదల వ్యవసాయాన్ని ప్రభావితం చేస్తుంది. దాని ప్రభావం కూరగాయలు, ఆహార పదార్థాల ధరలపై కూడా కనిపిస్తుందని నిపుణులు విశ్లేసిస్తున్నారు.
కానీ కొన్ని వస్తువులు తక్కువ ధరలకు దొరుకుతాయి. స్థానిక వస్తువుల వరద అమెరికాకు వస్తువులను అమ్మే కంపెనీలు ఇకపై అక్కడ అమ్మలేకపోతే వారు అదే వస్తువులను భారతదేశంలో అమ్ముతారు. దీనివల్ల ఇక్కడకు మరిన్ని మందులు, దుస్తులు లేదా ఇంజనీరింగ్ వస్తువులు వస్తాయి. అవి కొంచెం చౌకగా మారవచ్చు. భారతదేశం (India) ప్రతి సంవత్సరం అమెరికాకు దాదాపు $83 బిలియన్ల విలువైన వస్తువులను విక్రయిస్తుంది. ఇందులో మందులు, దుస్తులు, యంత్రాలు కూడా ఉన్నాయి. ఇప్పుడు, 25% సుంకం విధించడం వల్ల ఈ వస్తువులు అమెరికాలో మరింత ఖరీదైనవిగా మారతాయని నిపుణులు స్పష్టం చేస్తున్నారు. కంపెనీలు ధరలను తగ్గించాల్సి ఉంటుంది లేదా వాటికి తక్కువ ఆర్డర్లు రావచ్చు. ఇది దేశ ఆదాయాన్ని కూడా ప్రభావితం చేస్తుంది. డాలర్‌తో పోలిస్తే రూపాయి విలువ మరింత తగ్గవచ్చు.
టారిఫ్ (సుంకాలు) లతో అమెరికన్లకే భారమా..? ఎస్‌బీఐ రీసెర్చ్ తాజా నివేదిక ఏమి చెబుతోంది..?
అమెరికా అధ్యక్షుడు డొనాల్డ్ ట్రంప్ (Donald Trump) మనదేశం నుంచి అమెరికా దిగుమతి చేసుకునే అన్ని వస్తువులపై 25శాతం పన్నులు వేస్తున్నట్లు ప్రకటించంతో ఈ చర్యల వల్ల ఎవరికి లాభం ఎవరికి నష్టం అనేది సర్వత్రా ఆసక్తిగా మారింది. అయితే ట్రంప్ తీసుకున్న ఈ ప్రతీకార సుంకాల చర్యల ఆయన సొంత దేశ ప్రజలకే గుదిబండగా మారనున్నట్లు తెలుస్తోంది. ట్రంప్ టారిఫ్ (Trump’s Tariff) లతో అమెరికా కుటుంబాలపైనే భారం పడనుందని తాజాగా ఎస్ బీఐ రీసెర్చ్ వెల్లడించింది. ఎస్ బీఐ చేపట్టిన తాజా రీసెర్చ్ రిపోర్టు వెల్లడించింది. ద్రవ్యోల్బణం కారణంగా ఏటా అదనంగా 2400 డాలర్ల భారం అమెరికన్లపై ఉండనుందని ఈ నివేదిక స్పష్టం చేసింది.
ఆగస్టు చివరిలో భారత, అమెరికా మధ్య చర్చలు.. ప్రభుత్వం ఏమి ఆలోచిస్తోంది..?
ప్రస్తుతం భారత ప్రభుత్వం నుంచి ఎటువంటి స్పందన లేదు. కానీ ఆగస్టు చివరిలో భారతదేశం, అమెరికా (India, America) మధ్య చర్చలు జరగనున్నాయి. ఈ అంశాన్ని అప్పుడు లేవనెత్తుతారు. ప్రజలపై భారం పెరగకుండా, అమెరికాతో సంబంధాలు క్షీణించకుండా ఉండటానికి భారత్ ఉద్దేశపూర్వకంగా చర్యలు తీసుకోవలసి ఉంటుందని నిపుణులు అంటున్నారు.
