ఈ ఏడాది అంతర్జాతీయ క్రికెట్‌లో అన్ని ఫార్మాట్‌లు కలిపి అత్యధిక పరుగులు చేసిన భారత ఆటగాడిగా శ్రేయస్‌ అయ్యర్‌ నిలిచాడు. 21 పరుగుల వ్యక్తిగత స్కోర్‌ వద్ద అయ్యర్‌ ఈ రికార్డు సాధించాడు. ఇప్పటి వరకు ఈ ఏడాది అన్ని ఫార్మాట్లలో 36 ఇన్నింగ్స్‌లు ఆడి 1486 పరుగులు సాధించాడు. ఈ మ్యాచ్‌ తొలి ఇన్నింగ్స్‌లో 82 పరుగులతో అయ్యర్‌ ఇంకా క్రీజులో ఉన్నాడు.
ఇక అంతకు ముందు ఈ రికార్డు భారత విధ్వంసకర ఆటగాడు సూర్యకుమార్‌ యాదవ్‌ పేరిట ఉండేది. సూర్య ఈ ఏడాది అన్ని ఫార్మాట్‌ల్లో కలిపి 43 ఇన్నింగ్స్‌లలో 1424 పరుగులు సాధించాడు. తాజా మ్యాచ్తో సూర్య రికార్డును అయ్యర్‌ బ్రేక్‌ చేశాడు. సూర్య తర్వాతి స్థానంలో భారత వికెట్‌ కీపర్‌ బ్యాటర్‌ రిషబ్‌ పంత్‌ 1232 పరుగులతో ఉన్నాడు.