టీమిండియా ఓపెనర్‌ కేఎల్‌ రాహుల్‌ ఓ ఇంటివాడు కాబోతున్నాడు. టీ20 ప్రపంచకప్ ముగిశాక వివాహం చేసుకోనున్నట్టు సమాచారం. కొంతకాలంగా బాలీవుడ్‌ నటి అతియా శెట్టితో అతడు ప్రేమాయణం సాగిస్తున్నాడు. ఈ ఏడాది చివర్లో లేక జనవరి మొదటి వారంలో వీరి పెళ్లి జరిగే అవకాశం ఉంది. గత సెప్టెంబరులోనే అతియా తండ్రి, నటుడు సునీల్‌ శెట్టి కూడా వీరి వివాహంపై స్పష్టతనిచ్చాడు. అలాగే రాహుల్‌ కోరిక మేరకే బీసీసీఐ అతడిని న్యూజిలాండ్‌తో జరిగే టీ20, వన్డే సిరీసలకు ఎంపిక చేయలేదు. మరోవైపు ఈనెలాఖరులో రాహుల్‌, అతియాల ఎంగేజ్‌మెంట్‌ జరగనున్నట్టు సన్నిహిత వర్గాలు తెలిపాయి.
- Advertisement -