గుజరాత్, ముంబయి జట్ల మధ్య జరుగుతున్న మ్యాచ్లో ముంబయి తొలుత బ్యాటింగ్ చేసింది. ఈ మ్యాచ్ ముంబయికి ఎంతో కీలకం కాగా, రెచ్చిపోయిన బ్యాటర్లు స్కోరు బోర్డుని పరుగులు పెట్టించారు. ఇందులో 360 డిగ్రీల్లో బాల్స్ని బాదుతాడనే పేరున్న సూర్యకుమార్ యాదవ్ 49 బంతుల్లో 103 పరుగులు చేసి నాటౌట్గా నిలిచాడు. ఇక ముంబయి నిర్ణీత ఓవర్లలో 218 పరుగుల భారీ స్కోరు చేసింది. కాగా, గుజరాత్ టార్గెట్ 219 పరుగులుగా ఉంది..
ఇక.. ఇషాన్ కిషన్ (31), రోహిత్ శర్మ (29), వధేరా (15), విష్ణు (30), టిమ్ డేవిడ్ (5) పరుగులు చేయగా.. గ్రీన్ 3 పరుగులతో నాటౌట్గా నిలిచాడు. ముంబయి అయిదు వికెట్లు కోల్పోయి 218 పరుగులు స్కోరు చేసింది. ఇందులో రశీద్ ఖాన్ 4 వికెట్లు పడగొట్టగా, మోహిత్ శర్మకు 1 వికెట్ దక్కింది.