Sunday, June 20, 2021

దుబాయ్ రాని విదేశీ ఆటగాళ్ల వేతనంలో కోత: బీసీసీఐ

ఐపీఎల్‌లో ఆడేందుకు రాని విదేశీ ఆటగాళ్ల వేతనంలో కోత విధిస్తామని బీసీసీఐ తెలిపింది. కరోనా మహమ్మారి కారణంగా భారత్‌లో అర్ధాంతరంగా ఆగిపోయిన ఐపీఎల్‌లోని మిగతా మ్యాచ్‌లను దుబాయ్‌లో నిర్వహించనున్నట్టు ప్రకటించిన బీసీసీఐ తాజాగా విదేశీ ఆటగాళ్లకు హెచ్చరికలు చేసింది. బీసీసీఐ కాంట్రాక్ట్ ఆటగాళ్లకు మాత్రం ఇది వర్తించదని బీసీసీఐ అధికారి ఒకరు తెలిపారు. విదేశీ ఆటగాళ్లు ఐపీఎల్‌ కోసం ఆడేందుకు యూఏఈ రాకపోతే వారి వేతనాల్లో కోత పెట్టే హక్కులు ఫ్రాంచైజీలకు ఉన్నాయని బీసీసీఐ అధికారి ఒకరు తెలిపారు. ఇప్పటి వరకు ఆడిన మ్యాచ్‌లకు మాత్రమే వారికి చెల్లిస్తామని పేర్కొన్నారు. అయితే, బీసీసీఐ కాంట్రాక్ట్ ఆటగాళ్లకు మాత్రం ఎలాంటి ఇబ్బంది లేదని, 2011 నుంచి వారికి బీమా వర్తిస్తుండడంతో పూర్తి వేతనాలు అందుతాయన్నారు.

ఐపీఎల్ మ్యాచ్‌లు జరిగే సమయంలోనే ద్వైపాక్షిక సిరీస్‌లు ఉండడంతో విదేశీ ఆటగాళ్లు ఐపీఎల్‌లో ఆడడం అనుమానంగానే ఉంది. చాలా దేశాలు తమ ఆటగాళ్లను విడుదల చేయడానికి విముఖత చూపుతున్నాయి. ముఖ్యంగా ఇంగ్లండ్, బంగ్లాదేశ్, న్యూజిలాండ్ క్రికెటర్లు ఐపీఎల్‌లో ఆడే అవకాశం లేదు.

Advertisement

తాజా వార్తలు

Prabha News