హైదరాబాద్లో ప్రతిష్టాత్మంగా జరిగే ఫార్ములా ఇ–రేస్ ప్రారంభ కార్యక్రమానికి హాజరు కావాలని FIA ప్రపంచ పాలక సంస్థ అధ్యక్షుడిగా ఉన్న మొహమ్మద్ బిన్ సులేయంని ఆహ్వానించారు. ఫార్ములా ఈ–రేస్ ఫిబ్రవరి 11న హైదరాబాద్లో జరగనుంది. కాగా, 2021 డిసెంబర్ లో జీన్ టోడ్ నుండి FIA పగ్గాలు చేపట్టారు బిన్ సులేయం. ఆల్-ఎలక్ట్రిక్ సిరీస్ రేసుకు భారతదేశంతోపాటు ఇతర దేశాల్లోనూ జరిగే కార్యక్రమాలకు ఇతర ప్రముఖులతో కలిసి సులేయం హాజరవుతారని భావిస్తున్నారు.
రేసు నిర్వాహకులుగా – గ్రీన్‌కో, తెలంగాణ ప్రభుత్వం 2.83 కి.మీ పొడవు గల స్ట్రీట్ సర్క్యూట్‌ను సిద్ధం చేస్తున్నాయి. అయితే.. ఇప్పటికైతే చాలా మౌలిక సదుపాయాలు తాత్కాలికంగానే చేపట్టారు. ట్రాక్ చుట్టూ శాశ్వత నిర్మాణం ఉండే టీమ్ గ్యారేజీలకు మాత్రం తుది మెరుగులు దిద్దుతున్నారు. ఫార్ములా E అనేది 2013లో ఫార్ములా 1 ఇండియన్ గ్రాండ్ ప్రిక్స్ తర్వాత దేశంలో జరుగుతున్న మొదటి FIA ప్రపంచ ఛాంపియన్‌షిప్-స్టేటస్ ఈవెంట్. అంతేకాకుండా టూ-వీల్ రేసింగ్‌కు పరాకాష్టగా పేరొందిన MotoGP సెప్టెంబర్‌లో దేశంలో తన మొదటి రౌండ్‌ను నిర్వహించనుంది.
