సౌతాఫ్రికాతో మూడు వన్డేల సిరీస్లో భాగంగా ఇవ్వాల (ఆదివారం) రాంచీలో రెండో వన్డే జరిగింది. ఈ మ్యాచ్లో తొలుత టాస్ గెలిచిన సఫారీలు బ్యాటింగ్ ఎంచుకున్నారు. ఫస్ట్ బ్యాటింగ్లో 278 పరుగులు చేసిన సౌతాఫ్రికా టీమిండియాకు 279 పరుగుల టార్గెట్ పెట్టింది. అయితే.. తక్కువ స్కోరుకే ఓపెనర్లు శిఖర్ ధవన్ (13), శుభ్మన్ గిల్ (28) పరుగులకే ఇద్దరు అవుటయ్యారు. ఆ తర్వాత శ్రేయస్ అయ్యర్, ఇషాన్ కిషన్ (93) దంచికొట్టి ఇండియాని విజయతీరాలకు చేర్చారు.. ఇక.. శ్రేయస్ అయ్యర్ 113, సంజు 30 పరుగులతో నాటౌట్గా నిలిచారు. ఇంకా 5 ఓవర్లు మిగిలి ఉండగానే 7 వికెట్ల తేడాతో ఇండియా విజయం సాధించింది.
దీంతో ఆ తర్వాత క్రీజ్లోకి వచ్చిన శ్రేయస్ అయ్యరు, ఇషాన్ కిషన్ చేయి చేయి కలుపుకుని ఆచి తూచి ఆడారు. మరో వికెట్ పడిపోకుండా మధ్య మధ్యలో బౌండరీలు కొడుతూ అభిమానులను ఎంటర్టైన్ చేశారు. రబడా బౌలింగ్లో అయితే.. ఇషాన్ కిషన్ రెచ్చిపోయి ఫోర్లు, సిక్సర్ల మోత మోగించాడు. ఇక.. రబాడా బౌలింగ్లోని కిషన్ 86 పరుగుల వ్యక్తిగత స్కోరు వద్ద ఓ బాలుని ఈజీగా పుల్ చేయడంతో అది నేరుగా వెళ్లి రబాడా చేతుల్లో పడింది. అయితే.. దాన్ని క్యాచ్ చేయడంలో రబాడా మిస్ అయ్యాడు. ఇట్లా కిషాన్కి లైఫ్ దొరికిందని చెప్పవచ్చు.
ఇక.. 33వ ఓవర్ ప్రారంభంలో ఇషాన్ కిషాన్ చేతికి గాయం అయ్యింది. 32వ ఓవర్లో ఆఖరి బంతిని రబాడా బంప్ చేయడంతో అది కాస్త కిషాన్ మణికట్టుకు తగిలింది. దీంతో తీవ్రమైన బాధతో విలవిల్లాడిపోయాడు. ఈ క్రమంలో చాలాసేపు ఆటకు అంతరాయం కలిగింది. వెంటనే ఫిజియోథెరపిస్టులు వచ్చి చేతికి కట్టుకట్టారు. ఇక ఇదే ఓవర్లో మరో సిక్సర్ దంచి ఇషాన్ కిషన్ 93 పరుగులకు చేరుకున్నాడు. అయితే.. ఆతర్వాత ఓవర్లో స్పిన్నర్ వేసిన బంతికి కిషన్ సిక్స్ కొట్టబోయి బౌండరీ వద్ద ఉన్న ఫీల్డర్కి చిక్కాడు. దీంతో సెంచరీకి సమీపంలోకి వచ్చి మిస్ చేసుకున్నట్టు అయ్యింది.
ఇషాన్ కిషన్ అవుటు కావడంతో సంజు శాంసన్ క్రీజులోకి వచ్చాడు. సంజుతో కలిసి శ్రేయస్ ఇన్నింగ్స్ని చక్కదిద్దేపనిలో పడ్డాడు. 42వ ఓవర్లో సెంచరీ పూర్తి చేసుకున్నాడు. ఇక.. సంజు శాంసన్ కూడా తనదైన శైలిలో ఆడుతూ బౌండరీలు బాదుతూ క్రికెట్ ప్రేమికులను అలరించాడు.
