తెలుగు రాష్ట్రాల ముఖ్యమంత్రుల పై ఏపీ బీజేపీ రాష్ట్ర ప్రధాన కార్యదర్శి విష్ణువర్ధన్ రెడ్డి విమర్శలు గుప్పించారు. జగన్ కెసిఆర్ లు బాధ్యతారాహిత్యంగా ప్రవర్తిస్తున్నారని… తెలంగాణ లోకి వెళ్లేందుకు అంబులెన్సులను ఇప్పటికీ పోలీసులు అనుమతించడం లేదని ఆయన మండిపడ్డారు. ఈ విషయంపై కోర్టు చెప్పినా స్పందించరా అని ప్రశ్నించారు. ఇరు రాష్ట్రాల ముఖ్యమంత్రులకు కరోనా ను మించిన ముఖ్యమైన సమస్య ఇంకేమైనా ఉందా అని ప్రశ్నించారు.
సరిహద్దుల్లో భారీగా వాహనాలు నిలిచిపోయాయని వెంటనే ఆ సమస్యను పరిష్కరించి ప్రజల ప్రాణాలను కాపాడాలని ఆయన అన్నారు. ఇద్దరు ముఖ్యమంత్రులకు సరైన సమయంలో రెండు రాష్ట్రాల ప్రజలు బుద్ధి చెబుతారని రెండు రోజులుగా సమస్య తీవ్రంగా ఉన్న ఈ విషయం పై అధికారిక ప్రకటన చేయడం లేదని మండిపడ్డారు.