ఈ మ‌ధ్య‌కాలంలో క‌మెడియ‌న్స్ హీరోలుగా మారుతున్నారు. అదే త‌ర‌హాలో క‌మెడియ‌న్ సూరి కూడా హీరోగా మారాడు. ఆయన న‌టిస్తోన్న చిత్రం విడుదలై.ఈ చిత్రాన్ని వెట్రిమార‌న్ తెర‌కెక్కిస్తున్నాడు. ఆర్.ఎస్. బ్యానర్ పై నిర్మితమైంది. తాజాగా ఈ సినిమా నుంచి ఫస్టు సింగిల్ ను రిలీజ్ చేశారు. ఒన్నాడా నడంధా’ అంటూ ఈ పాట సాగుతోంది. ఫారెస్టు నేపథ్యంలో ఈ కథ నడుస్తుందనే విషయం ఈ సాంగ్ ను బట్టి అర్థమవుతోంది. ఫారెస్టు ఆఫీసర్ పాత్రలో సూరి కనిపిస్తున్నాడు. ఓ పౌర్ణమినాటి రాత్రి ఆయన ఒక యువతితో కలిసి నడుస్తుండగా ఈ పాట ప్లే అవుతోంది. ఇళయరాజా స్వరపరిచిన ఈ పాట మంచి ఫీల్ తో కనెక్ట్ అవుతోంది. ఈ సినిమాకే హైలైట్ గా నిలుస్తుందని అనిపిస్తోంది. ఈ పాటను అనన్య భట్ తో కలిసి హీరో ధనుశ్ ఆలపించడం విశేషం. విజయ్ సేతుపతి .. ప్రకాశ్ రాజ్ .. గౌతమ్ మీనన్ ముఖ్యమైన పాత్రలను పోషించారు.
