Tuesday, November 29, 2022

Follow up : నింగిలోకి దూసుకెళ్లిన తొలి ప్రైవేటు రాకెట్‌.. హైదరాబాద్‌ స్టార్టప్‌ స్కై రూట్ త‌యారీ

హైదరాబాద్‌, ఆంధ్రప్రభ : శ్రీహరికోటలోని సతీశ్‌ధావన్‌ స్పేస్‌ సెంటర్‌ షార్‌ నుంచి శుక్రవారం ఉదయం 11.30నిమిషాలకు విక్రమ్‌ ఎస్‌ రాకెట్‌ నింగిలోకి వెళ్లింది. హైదరాబాద్‌కు చెందిన స్టార్టప్‌ కంపెనీ స్కైరూట్‌ ఏరోస్పేస్‌ ఈ రాకెట్‌ను రూపొందించింది. విక్రమ్‌ సారాభాయ్‌ పేరు మీద దీనికి విక్రమ్‌ ఎస్‌ అని రాకెట్‌కు నామకరణం చేశారు. ఈ సందర్భంగా రాష్ట్ర ఐటీ మంత్రి కేటీఆర్‌ స్కై రూట్‌ టీమ్‌కు హృదయపూర్వక శుభాకాంక్షలు తెలుపుతూ ట్వీట్‌ చేశారు. హైదరాబాద్‌కు చెందిన సంస్థ కొత్త చరిత్రను లిఖించినందుకు చాలా గర్వంగా ఉందని కేటీఆర్‌ పేర్కొన్నారు. ఈ రాకెట్‌ పొడవు 6 మీటర్లు కాగా, బరువు 545 కిలోలు. ఇది రెండు భారతీయ, ఒక విదేశీ పేలోడ్‌లను కక్షలోకి తీసుకెళ్లింది.

- Advertisement -
   

వాటిలో భారత్‌, అమెరికా, సింగపూర్‌, ఇండోనేషియాకు చెందిన విద్యార్థులు అభివృద్ధి చేసిన 2.5 కిలోల పేలోడ్‌ అయిన ఫన్‌ శాట్‌ చెన్నైకి చెందిన ఏరోస్పేస్‌ స్టార్టప్‌ కిడ్జ్‌ ఉన్నాయి. ఈ మిషన్‌ ద్వారా దేశంలో అంతరిక్షంలోని రాకెట్‌ను ప్రయోగించిన తొలి ప్రైవేటు అంతరిక్ష సంస్థగా స్కై రూట్‌ అవతరించింది.

Advertisement

తాజా వార్తలు

Advertisement