రెండు రోజుల్లో పదో తరగతి విద్యార్థులకు గ్రేడ్లు

తెలంగాణలో పదో తరగతి ఫలితాలు మరో 2-3 రోజుల్లోనే వెలువడే అవకాశం కనిపిస్తోంది. వరుసగా రెండో ఏడాది పదో తరగతి వార్షిక పరీక్షలు రద్దు చేయడంతో.. ఫార్మేటివ్ అసెస్‌మెంట్(ఎస్ఏ-1) ఆధారంగా గ్రేడ్లను కేటాయిస్తున్నారు. పరీక్ష ఫీజు చెల్లించిన 5,21,398 మంది ఫలితాలు 2-3 రోజుల్లో రానున్నాయి. వీరిలో సుమారు 2 లక్షల మంది 10/10 GPAతో ఉత్తీర్ణులు కానున్నారని సమాచారం. అంటే గత సంవత్సరం కంటే దాదాపు 60 వేల ఎక్కువ మంది ఉన్నారు. కాగా కరోనా కారణంగా గత ఏడాది కూడా పదో తరగతి పరీక్షలను ప్రభుత్వం రద్దు చేసి గ్రేడ్‌లను కేటాయించిన సంగతి తెలిసిందే.