Sunday, May 16, 2021

జర్నలిస్టులకు రేపటి నుంచి వాట్సాప్ ద్వారా ప్రత్యేక హెల్ప్ డెస్క్

తెలంగాణలో జర్నలిస్టులకు కోవిడ్‌ వైద్య సేవలు సత్వరం అందించే దిశగా వైద్య ఆరోగ్యశాఖ హెల్ప్‌డెస్క్‌ను ఏర్పాటు చేయాలని నిర్ణయించడాన్ని ప్రెస్‌క్లబ్‌ హైదరాబాద్‌ స్వాగతించింది. శుక్రవారం ప్రెస్‌క్లబ్‌ హైదరాబాద్‌ బృందం వైద్య ఆరోగ్యశాఖ ఉన్నతాధికారులతో సమావేశమై రాష్ట్రంలో కోవిడ్‌ ఉధృతి, అనేక మంది జర్నలిస్టుల మరణాలు, వైద్యం కోసం జర్నలిస్టులు పడుతున్న తీవ్ర ఇబ్బందులను వివరించారు. ప్రెస్‌క్లబ్‌ హైదరాబాద్‌ బృందం విజ్ఞప్తి మేరకు శనివారం నుండి ప్రత్యేక వాట్సాప్‌ నెంబర్‌ను జర్నలిస్టుల కోసం అందుబాటులో ఉంచుతామని వైద్యశాఖ ఉన్నతాధికారులు శుక్రవారం ప్రకటించారు. లక్షణాలున్న జర్నలిస్టులు తమ వివరాలను అందులో అప్‌లోడ్‌ చేసే పరీక్షలు, మందుల కిట్లు, అవసరమైన వారికి బెడ్ల కేటాయింపు చేసేందుకు ప్రత్యేక టీంను అందుబాటులోకి తెస్తామని డైరెక్టర్‌ ఆఫ్‌ హెల్త్‌ ఉన్నతాధికారులు తెలిపారు. అదే విధంగా జర్నలిస్టుల కోసం ప్రెస్‌క్లబ్‌ హైదరాబాద్‌తో పాటు అన్ని జిల్లా కేంద్రాల్లో ప్రత్యేక వాక్సినేషన్‌ కేంద్రాలు త్వరలోనే ఏర్పాటు చేస్తామని ప్రకటించారు.

Advertisement

తాజా వార్తలు

Prabha News