అదేంటీ కోడి పెట్ట గుడ్లు పెడుతుంది కాని కోడి పుంజు గుడ్లు పెట్టడమేంటని ఆలోచిస్తున్నారా..అవును కోడి పుంజు నిజంగానే గుడ్లు పెట్టింది. కేవలం గుడ్లు పెట్టడమే కాదు వాటిపై పొదిగి పిల్లల్ని కూడా కనింది. ఇంతకి ఎక్కడి జరిగింది ఈ వింత అనుకుంటున్నారా.. తూర్పుగోదావరి జిల్లా తొట్టంబేడు మండలంలోని పెద్దకన్నలిలో చోటుచేసుకుంది అరుదైన సంఘటన. గ్రామానికి చెందిన సుబ్రమణ్యంరెడ్డికి ఇంట్లో 4 కోళ్లతో పాటు ఒక పుంజు ఉండేది. అయితే ఓరోజు కోడి పుంజు గుడ్లు పెట్టడం చూసి ఆశ్చర్యపోయిన సుబ్రమణ్యం రెడ్డి…ఆ గుడ్డుని జాగ్రత్తగా పొదుగుకి పెట్టాడు. అలా ఆ పుంజు ఐదు గుడ్లను పెట్టడంతో అన్నింటిని కూడా పుంజు కింద పొదుగుకి పెట్టాడు. దీంతో కొన్నిరోజులకు ఆ పుంజు ఐదు పిల్లలను కన్నది. ఇప్పుడు ఆ ఐదు పిల్లలతో పుంజు ఎంచక్కా విధులలో విహరిస్తోంది. దీంతో ఈ విషయం చుట్టుప్రక్కల గ్రామాలకు తెలియడంతో పుంజును చూడటానికి ఆ గ్రామానికి తండోపతండాలుగా వస్తున్నారట. అయితే పుంజు గుడ్లు పెట్టడంపై వెటర్నరీ అధికారి వీరభద్రరెడ్డి వివరణ ఇచ్చారు. జన్యుపరమైన కారణాలతో ఇలా అరుదుగా ఇలాంటి ఘటనలు జరుగుతాయని తెలిపారు. ఏది ఏమైన కోడి పుంజు గుడ్డు పెట్టి పిల్లల్ని కనడమనేది ఓ వింతలా భావిస్తున్నారు అక్కడి ప్రజలు.
ఇది కూడా చదవండి: Tokyo Olympics: బాహుబలి బంగారం కొట్టాడు..