భారత నౌకాదళం అమ్ములపొదిలోకి కల్వరి విభాగం జలాంతర్గామి వాగిర్‌ సబ్‌మెరైన్‌ చేరింది. మంగళవారం నిర్వహించిన ఒక కార్యక్రమంలో ఈ సబ్‌మెరైన్‌ను నేవీ అధికారులకు అప్పగించారు. కేవలం 24 నెలల వ్యవధిలో మూడవ జలాంతర్గామిని భారత నౌకాదళానికి అందించారు.
ఈ జలాంతర్గామి రాకతో ఇండియన్‌ నేవీ బలం పెరగనున్నదని నేవీ అధికారులు తెలిపారు. వాగిర్‌ 2022 ఫిబ్రవరి నుంచి సముద్ర ట్రయల్స్‌ ప్రారంభించింది. ఇతర జలాంతర్గాములతో పోలిస్తే అతి తక్కువ సమయంలో ఆయుధాలు, సెన్సార్ల ప్రధాన ట్రయల్స్‌ను పూర్తి చేసుకోవడం విశేషం.
