నేచురల్ స్టార్ నాని ఇటీవల టక్ జగదీష్ సినిమాతో ప్రేక్షకుల ముందుకు వచ్చాడు. డైరెక్టుగా ఓటీటీలో రిలీజ్ అయిన ఈ సినిమా అంతగా ఆకట్టుకోలేకపోయింది. మరోవైపు నాని కొత్త సినిమా శ్యామ్ సింగ రాయ్ సినిమా షూటింగ్ పూర్తి కాగా.. అంటే సుందరానికి సినిమా షూటింగ్ దశలో ఉంది. అయితే ఈ సినిమా రాహుల్ సంకృత్యయన్ దర్శకత్వంలో తెరకెక్కుతోంది. ఇక ఈ సినిమాలో సాయి పల్లవి, కృతి శెట్టి, మడోన్నా సెబాస్టియన్ ముగ్గురు హీరోయిన్లు నటిస్తున్నారు.
దసరా సందర్భంగా శ్యామ్ సింగరాయ్ సినిమా నుంచి ఓ బిగ్ అప్‌డేట్ వచ్చింది. శ్యామ్ సింగరాయ్ సినిమాను డిసెంబరులో విడుదల చేస్తున్నట్లు చిత్ర బృందం ప్రకటించింది. అంతేకాదు ఈ సినిమాను ప్రపంచ వ్యాప్తంగా అన్ని థియేటర్లలో విడుదల చేయనున్నట్లు తమ అధికారిక ట్విట్టర్ ఖాతా వేదికగా చిత్ర బృందం ప్రకటన చేసింది. అయితే విడుదల తేదీని మాత్రం బృందం ఫిక్స్ చేయలేదు. త్వరలోనే దీనిపై క్లారిటీ ఇవ్వనుంది.