Monday, January 30, 2023

బిగ్‌హాత్‌తో జతకట్టిన మహీంద్రా ఇన్సూరెన్స్‌ బ్రోకర్స్‌..

హైదరాబాద్‌ : మహీంద్రా అండ్‌ మహీంద్రా పైనాన్షియల్‌ సర్వీసెస్‌కు అనుబంధ సంస్థ అయిన మహీంద్రా ఇన్సూరెన్స్‌ బ్రోకర్స్‌ , వ్యవసాయ డిజిటల్ వేదిక బిగ్‌హాత్‌ తో జత కలిసింది. దేశంలో అసంఘటిత వ్యవసాయ రంగానికి పరిష్కారాలను అందించనున్నట్లు ఈ సంస్థలు తెలిపాయి. గ్రామీణ ప్రాంతంలోనూ బీమా వేగంగా పెరిగేందుకు కృషి చేయనున్నట్లు తెలిపాయి. రెండు సంస్థల మధ్య కుదిరిన ఒప్పందంలో భాగంగా ఆరోగ్య, మోటార్‌ బీమా పాలసీలను మహీంద్రా ఇన్సూరెన్స్‌ బ్రోకర్స్‌ అందిస్తుంది.

- Advertisement -
   

గ్రామీణ ప్రాంతాల్లో బీమా పరంగా బాగా వెనుకబడి ఉన్నందున, అవకాశాలు అపారంగా ఉన్నాయని, బిగ్‌హాత్‌ భాగస్వామ్యంతో పేద, వ్యవసాయ కుటుంబాల వారికి సామాజిక, ఆర్థిక భద్రత అందించడం సాధ్యమవుతుందని ఎంఐబీఎల్‌ ఎండి , ప్రిన్సిపల్‌ ఆఫీసర్‌ వేదనారాయణన్‌ శేషాద్రి చెప్పారు. గ్రామీణ ప్రాంతాల్లో రైతులు, తమ ఆరోగ్యాన్ని పట్టించుకోకుండా పని చేస్తుంటారని, వారి వ్యవసాయ పనిముట్లు ముఖ్యంగా ట్రాక్టర్‌ వంటి వాటికి కూడా ఇన్సూరెన్స్‌ సరిగా ఉందని, వీరికి ఈ సేవలు అందించడం ద్వారా ఈ వర్గాలకు మరింత ప్రయోజనం కలుగుతుందని బిగ్‌హాత్‌ ఇండియా కో-ఫౌండర్‌ సతీష్‌ నూకల అభిప్రాయపడ్డారు.

లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌ట్విట‌ర్టెలిగ్రామ్ పేజీల‌ను ఫాలో అవ్వండి.

Advertisement

తాజా వార్తలు

Advertisement