మామా మ‌శ్చీంద్రా చిత్రంలో మూడు గెట‌ప్ప్ ల్లో మెర‌వ‌నున్నాడు హీరో సుధీర్ బాబు.తాజాగా మూడో పాత్రకు సంబంధించిన పోస్టర్‌ను విడుదల చేసింది. డీజేగా సుధీర్‌బాబు లుక్ అదిరిపోయింది. డీజే లుక్‌లో సుధీర్ అల్ట్రా స్టైలిష్‌గా కనిపిస్తున్నారు. ఇక ఈ మూడు పాత్రలతో సినిమాపై ఎక్కడలేని హైప్‌ క్రియేట్‌ అయింది. ప్రముఖ కమెడియన్‌, అమృతం ఫేమ్‌ హర్షవర్ధన్‌ దర్శకత్వం వహిస్తున్న ఈ సినిమాపై ప్రేక్షకుల్లో మంచి అంచనాలే ఏర్పడ్డాయి. కామెడీ యాక్షన్‌ ఎంటర్‌టైనర్‌గా తెరకెక్కుతున్న ఈ సినిమాలో సుధీర్ బాబుకు జోడీగా ఈషా రెబ్బా, మృనాళిని రవి నటిస్తున్నారు. శ్రీవెంకటేశ్వరా సినిమాస్‌ ఎల్‌ఎల్‌పీ బ్యానర్‌పై సునీల్‌ నారంగ్‌, పుస్కుర్ రామ్‌ మోహన్‌ రావు సంయుక్తంగా ఈ సినిమాను నిర్మిస్తున్నారు. చైతన్య భరద్వాజ్‌ సంగీతం అందిస్తున్నాడు. ఈ సినిమాలో సుధీర్ మూడు విభిన్న గెటప్స్‌లో కనిపించనున్నారు. రెండు పాత్రలకు సంబంధించిన పోస్టర్‌లు ఇప్పటికే రిలీజ్ కాగా.. వాటికి విశేష స్పందన వచ్చింది.
Advertisement
తాజా వార్తలు
Advertisement