దేశంలో కరోనా సెకండ్ వేవ్ వ్యాప్తి ఎక్కువ గా ఉంది. సామాన్య ప్రజలతో పాటు సిని రాజకీయ ప్రముఖులు కూడా ఈ మహమ్మారి బారిన పడుతున్నారు. మరి కొంతమంది ఈ మహమ్మారి బారినపడి చనిపోతున్నారు. ఇప్పటికే పలువురు సినీ ప్రముఖులు ఈ మహమ్మారి దెబ్బకు మృతి చెందగా… తాజాగా ప్రముఖ ఎడిటర్ సీనియర్ నటి ప్రభ సోదరుడు ఎం జివి ప్రసాద్ మృతిచెందారు.
ప్రసాద్ వయసు 72 సంవత్సరాలు. కరోనా పాజిటివ్ రావడంతో మే 3న చెన్నైలోని ఓ ఆసుపత్రిలో ప్రసాద్ చేరారు. అయితే క్రమేణా పరిస్థితి క్రిటికల్ గా మారడంతో ఆయన కన్నుమూశారు. ఇక నటి ప్రభ కు ఇద్దరు సోదరులు ఉన్నారు. అందులో చిన్న సోదరుడు ప్రసాద్. ప్రసాద్ కొన్ని తెలుగు తమిళ సినిమాలకు ఎడిటర్ గా పనిచేశారు.