Saturday, December 10, 2022

నేను ఎవరికీ భయపడను.. నన్ను చూసి ఎవరూ భయపడాల్సిన అవసరం లేదు.. శశిథరూర్

ఎటువంటి విషయానైనా కుండబద్ధలు కొట్టేటట్టు మాట్లాడతారు శశిథరూర్ అనే సంగతి అందరికీ తెలిసిందే. కాగా ఆయన ప్రత్యర్థ పార్టీ అయినా.. సొంత పార్టీ అయినా విమర్శలు..వ్యంగ్యాస్త్రాలు విసరడంలో ఆయనకి ఆయనే సాటి. కాగా తాజాగా శశిథరూర్ చేసి వ్యాఖ్యలు వైరల్ గా మారాయి. తాను ఎవరికీ భయపడనని..అలాగే తనని చూసి ఎవరూ భయపడాల్సిన అవసరం లేదన్నారు కాంగ్రెస్ ఎంపీ శశిథరూర్.. కాగా కేరళ పర్యటనలో శశిథరూర్ సంచలన ప్రకటన చేశారు. కాగా ఈ పర్యటనలో ఆయన పానక్కడ్‌లో యుడిఎఫ్‌-మిత్రపక్ష ఐయుఎంఎల్‌ సీనియర్‌ నేతలతోనూ సమావేశమయ్యారు. ఆ భేటీతో రాజకీయంగా పలు ఊహాగానాలు జోరందుకున్నాయి. ఈ సందర్భంగా ఆయన మీడియాతో మాట్లాడారు.

- Advertisement -
   

తన కేరళ పర్యటనకు ఎవరు భయపడుతున్నారని అన్నారు. తాను ఎవరికీ భయపడనని, ఎవరూ భయపడాల్సిన అవసరం లేదని కాంగ్రెస్ ఎంపీ అన్నారు. థరూర్ ప్రకటన, తంగల్‌తో అతని సమావేశం చాలా ముఖ్యమైనది. ఎందుకంటే కేరళలో ఆయనకు పెరుగుతున్న మద్దతుతో, పార్టీలో థరూర్ వర్గం ఆవిర్భవించే అవకాశం రాష్ట్రంలో వ్యక్తమవుతోంది. అయితే, థరూర్ అలా నమ్మడం లేదు. సాదిక్ అలీ షిహాబ్ తంగల్ నివాసంలో IUML నాయకులతో తన సమావేశం మర్యాదపూర్వకంగా జరిగినట్లు ఆయన అభివర్ణించారు. అక్కడ ఉన్న ఇతర సీనియర్ ఇండియన్ యూనియన్ ముస్లిం లీగ్ (IUML) నాయకులతో భేటీ కానున్నారు. దీంతో ఆయన పర్యటన అసాధారణమైనది కాదని పలువురు ఆరోపిస్తున్నారు.

దేశంలో విభజన రాజకీయాలు చురుగ్గా సాగుతున్న తరుణంలో అందరినీ ఏకతాటిపైకి తీసుకొచ్చే రాజకీయాలు అవసరమని బీజేపీ పేరును ప్రస్తావించకుండా థరూర్ విమర్శలు గుప్పించడం విశేషం. IUML ఇటీవల చెన్నై, బెంగళూరు .. ముంబైలలో సోదరభావాన్ని ప్రోత్సహించడానికి కార్యక్రమాలను నిర్వహించింది. థరూర్‌ను కలిసిన అనంతరం సాదిక్ అలీ షిహాబ్ తంగల్ మాట్లాడుతూ.. థరూర్‌తో తనకు చాలా సన్నిహిత సంబంధాలు ఉన్నాయని చెప్పారు. థరూర్ అన్ని ముఖ్యమైన ఈవెంట్‌లు, సందర్భాలకు ఆహ్వానిస్తారని అన్నారు.కాబట్టే నేడు అతను మమ్మల్ని పలుకరించడానికి వచ్చాడని అన్నారు. కేరళ రాజకీయాల్లో థరూర్ యాక్టివ్ కావాలని కోరుకుంటున్నారా అని అడిగిన ప్రశ్నకు.. అతను ఇప్పటికే చాలా చురుకుగా ఉన్నాడని తంగల్ చెప్పడం ప్రాధాన్యతని సంతరించుకుంది.

Advertisement

తాజా వార్తలు

Advertisement