ప్రస్తుత కరోనా కాలంలో మాస్క్ తప్పనిసరైంది. ఎవరైనా మాస్క్ లేకుండా బయటకు వస్తే అధికారులు ఫైన్ విధిస్తున్నారు. ఇంకొన్ని చోట్ల కేసులు కూడా నమోదు చేస్తున్నారు. బయటకు వచ్చే సమయంలో తప్పనిసరిగా మాస్క్ పెట్టుకుని కరోనా నిబంధనలు పాటించాలని అధికారులు చెబుతున్నారు. గాలిద్వారా కరోనా వైరస్ సోకుతుండటంతో వరల్డ్ హెల్త్ ఆర్గనైజేషన్ మాస్క్ ఇంపార్టెన్స్‌ని ప్రజలకు తెలిపేందుకు అనేక కార్యక్రమాలు నిర్వహిస్తోంది.
కాగా, తమిళనాడు సీఎం స్టాలిన్ సెక్రటేరియట్‌కు వెళ్తున్న సమయంలో మాస్క్ లేకుండా రోడ్డుపై తిరుగుతున్న వారిని గమనించారు. వెంటనే తన కాన్వాయ్ ఆపి ఓ యువకుడికి తన చేతులతో మాస్క్ తొడిగారు. అనంతరం అక్కడ మాస్క్ లేకుండా తిరుగుతున్న వారికి మాస్క్‌లు అందచేశారు. కరోనా బారినపడకుండా ఉండాలంటే మాస్క్ తప్పనిసరని సీఎం స్టాలిన్ తెలిపారు. ఇందుకు సంబందించిన వీడియో సోషల్ మీడియాలో వైరల్ అవుతుంది.