విడాకుల వివాదం హత్యకు దారితీసింది. కోర్టులోనే భార్యను గొంతుకోసి చంపాడు ఓ భర్త. ఈ సంఘటన కర్ణాటక రాష్ట్రం హసన్‌ జిల్లా హోలె నరసిపురలో వెలుగుచూసింది. విడాకులకు దరఖాస్తు చేసుకున్న క్రమంలో వారిద్దరు ఫ్యామిలీ కోర్టుకు కౌన్సిలింగ్‌ నిమిత్తం వెళ్లారు. ఆ సమయంలో కొడవలితో సదరు వ్యక్తి భార్య గొంతుకోశాడు. వెంటనేఆమెను ఆస్పత్రికి తరలించగా చికిత్సపొందుతూ మరణించింది. విచిత్రమేమిటంటే ఈ ఘాతుకానికి కొద్ది నిముషాల ముందువీరిద్దరు సయోధ్యకు అంగీకరించారు. ఏడేళ్ల వివాహ బంధాన్ని కొనసాగించడానికి సమ్మతించారు.
కొద్దిసేపటి తర్వాత ఈ పరిణామం చోటుచేసుకుంది. వాష్‌రూమ్‌కు వెళ్లిన భార్య చైత్రను వెళ్లడించి శివకుమార్‌ దాడిచేశాడు. పారిపోయేందుకు ప్రయత్నించగా అక్కడున్నవారు అడ్డుకుని పోలీసులకు అప్పగించారు. శివకుమార్‌పై హత్య కేసు నమోదు చేసిన పోలీసులు, కోర్టులోకి ఆయుధంతో ఎలా ప్రవేశించాడనే దానిపై దర్యాప్తు చేస్తున్నారు.
