గ్యాస్ సిలిండర్ పేలి ఐదుగురు అక్కడికక్కడే మృతిచెందగా, మరో 60 మంది గాయపడ్డ విషాద ఘటన రాజస్థాన్‌లోని జోధ్‌పూర్‌లో చోటుచేసుకున్నది. పెండ్లింట్లో గ్యాస్ సిలిండర్ పేలడంతో ఐదుగురు అక్కడికక్కడే మృతిచెందారు. మరో 60 మంది గాయపడ్డారు.
జోధ్‌పూర్‌లోని భుంగ్రా గ్రామంలో ఓ ఇంట్లో వివాహ వేడుక జరుగుతుండగా సిలిండర్ పేలిపోయింది. దీంతో ఒక్కసారిగా మంటలు అంటుకున్నాయి. సమాచారం అందుకున్న పోలీసులు ఘటనా స్థలానికి చేరుకొని సహాయక చర్యలు ప్రారంభించారు. స్థానికుల సహకారంతో గాయపడినవారిని దవాఖానకు తరలించారు. ఈ ప్రమాదంలో ఐదుగురు మృతిచెందారని, వారిలో ముగ్గురు చిన్నారులు ఉన్నారని పోలీసులు తెలిపారు. ఈ ఘనటపై కేసు నమోదుచేసి దర్యాప్తు చేస్తున్నామన్నారు.