ప్రభుత్వరంగ టెలికాం సంస్థ బిఎస్‌ఎన్‌ఎల్‌ 5జీసేవలను 2024లో ప్రారంభించబోతున్నదని కేంద్ర టెలికాం శాఖ మంత్రి అశ్వనీ వైష్ణవ్‌ తెలిపారు. ఒడిశాలో జి యో, ఎయిర్‌టెల్‌ 5జీ సేవలను కేంద్ర మంత్రి ధర్మేంద్ర ప్రదాన్‌తో కలిసి గురువారం ఆయన ప్రారంభించారు. ఈ సందర్భంగా విలేకరులతో మాట్లాడుతూ, బిఎస్‌ఎన్‌ఎల్‌ 5జీ సేవల అంశంపై స్పందించారు. వచ్చే ఏడాది సేవలు అందుబాటులోకి వస్తాయని చెప్పారు. భువనేశ్వర్‌, కటక్‌ నగరాల్లో ప్రస్తుతం జియో, ఎయిర్‌టెల్‌ 5జీ సేవలు ప్రారంభం అయ్యాయని, రాబోయే రెండేళ్లలో ఒడిశా అంతటా ఈ సేవలు అందుబాటులోకి వస్తాయని వెల్లడించారు.
గ్రామీణ ప్రాంతాల్లో టెలికాం సేవలు అందించేందుకు 4జీ టవర్లు 100 ప్రారంభించినట్లు చెప్పారు. బిఎస్‌ఎస్‌ఎన్‌ఎల్‌ 5జీ సేవల కోసం ఇప్పటికే టిసిఎస్‌, సి-డాట్‌తో కూడిన కన్సార్టియాన్ని షార్ట్‌ లిస్ట్‌ చేసింది. ఈ ఒప్పందం ప్రకారం ఏడాదిలో నెట్‌వర్క్‌ను 5జీకి అప్‌గ్రేడ్‌ చేయాల్సి ఉంటుంది. ఇందుకు సుమారు ఏడాది సమయం పడుతుందని అంచనా.