యువ దర్శకుడు గోపీచంద్ మలినేని దర్శకత్వంలో నటసింహం నందమూరి బాలకృష్ణ హీరోగా తెరకెక్కిన్న లేటెస్ట్ సక్సెస్ఫుల్ మూవీ వీరసింహారెడ్డి. శృతి హాసన్, హానీ రోజ్ హీరోయిన్స్ గా నటించిన ఈ మూవీని మైత్రి మూవీ మేకర్స్ వారు గ్రాండ్ లెవెల్లో నిర్మించారు. కాగా, ఈ సినిమాకి థమన్ సంగీతం అందించాడు. ఇక ఈ మూవీ ఇటీవల సంక్రాంతి పండుగ కానుకగా ప్రేక్షకాభిమానుల ముందుకి వచ్చి అన్ని వర్గాల ఆడియన్స్ ని ఆకట్టుకుంది.
యాక్షన్ తో కూడిన ఎమోషనల్ ఎంటర్టైనర్ గా బాలయ్య డ్యూయల్ రోల్ పోషించిన ఈ మూవీ ఇవ్వాల కొద్దిసేపటి క్రితం ప్రముఖ ఓటిటి మాధ్యమం డిస్నీ హాట్ స్టార్ ద్వారా ఓటీటీ ఆడియన్స్ ముందుకి వచ్చింది. తెలుగుతో పాటు హిందీ, తమిళ్, మలయాళం, కన్నడ భాషల్లో కూడా ఈ సినిమా డిస్నీ లో అందుబాటులో ఉంది. మరి థియేటర్స్ లో ఆకట్టుకున్న వీరసింహారెడ్డి మూవీ ఓటిటి ఆడియన్స్ ని ఎంతవరకు ఆకట్టుకుంటుందో చూడాలి.