Thursday, March 28, 2024

శాంసంగ్ గెలాక్సీ ఎస్ 23కి ఆఫ‌ర్‌ల వ‌ర్షం.. మూడు వెర్ష‌న్ల‌కు ఎక్చేంజ్ బోన‌స్ కూడా..

ఫిబ్రవరిలో Samsung బ్రాండ్ నుంచి కొత్త స్మార్ట్‌ఫోన్‌ గెలాక్సీ S23 సిరీస్ మార్కెట్ లో రిలీజ్ అయింది. గెలాక్సీ S23 సిరీస్ నుంచి వచ్చిన స్మార్ట్‌ఫోన్‌లు “Galaxy S23 అల్ట్రా, Galaxy S23+ & Galaxy S23”. ఈ స్మార్ట్‌ఫోన్‌లు ఇప్పటికే దేశంలో కొనుగోలు చేయడానికి అందుబాటులో వచ్చాయి. కాగా, ఇప్పుడు ఈ ఫోన్‌లు ఆకర్షణీయమైన ఆఫర్‌లతో మార్కెట్ లో హల్ చల్ చేస్తున్నాయి.

ఈ మూడు స్మార్ట్‌ఫోన్లలో అత్యంత ప్రీమియం డివైజ్ అయిన గెలాక్సీ S23 అల్ట్రాలో కస్టమర్లు రూ.18,000 విలువైన ప్రయోజనాలతో పాటు 12-నెలల నో-కాస్ట్ EMIని పొందవచ్చని Samsung ప్రకటించింది. గెలాక్సీ S23 అల్ట్రా.. 200MP ప్రైమరీ కెమెరాతో కూడిన కెమెరా-సెంట్రిక్ ఫోన్. ఈ స్మార్ట్‌ఫోన్‌ ప్రత్యేకంగా ‘నైటోగ్రఫీ’ కోసం నిర్మించబడినట్లు Samsung కంపెనీ వెల్లడించింది. 24-నెలల EMIతో నెలకు రూ.5,209తో ఫోన్‌ను పొందవచ్చు. అంతే కాకుండా కస్టమర్లు రూ.10,000 ఎక్స్ఛేంజ్ బోనస్‌ను కూడా పొందవచ్చు.

- Advertisement -

Galaxy S23+ & Galaxy S23ని రూ.13,000తో 12 నెలల నో కాస్ట్ EMIతో సొంతం చేసుకోవచ్చు. స్నాప్‌డ్రాగన్ 8 జెన్ 2 ప్రాసెసర్ మూడు స్మార్ట్‌ఫోన్‌లలో లభిస్తుంది. ఈ సంవత్సరం దేశంలో లేదా మరెక్కడా ఎక్సినోస్ వేరియంట్ లేదు. భారతదేశంలో విక్రయించే అన్ని యూనిట్లు నోయిడా ఫ్యాక్టరీలో తయారు చేయబడుతున్నాయని శామ్సంగ్ తెలిపింది.

Advertisement

తాజా వార్తలు

Advertisement