అన్నమయ్య కీర్తనలు : ఏ పురాణముల

రాగం : గౌరీ మనోహరి
ఏపురాణముల నెంత వెదకినా
శ్రీ పతిదాసులు చెడ రెన్నడును

హరివిరహితములు అవిగొన్నాళ్లకు
విరసంబులు మరి విఫలములు
నరహరి గొలిచిటు నమ్మినవరములు
నిరతము లెన్నడు నెలవులు చెడవు

కమలాక్షుని మతి గాననిచదువులు
కుమతంబులు బహు కుపథములు
జనుళి నచ్యుతుని సమారాధనలు
విమలములేకాని వితథముగావు

శ్రీ వల్లభుగతి జేరనిపదవులు
దావతులు కపట ధర్మములు
శ్రీ వేంకటపతి సేవించు సేవలు
పావనము లధికభాగ్యపు సిరులు