Friday, March 29, 2024

అన్నమయ్య కీర్తనలు : ఏలే ఏలే మరదలా

ఏలే ఏలే మరదలా
చాలు చాలు చాలును
చాలు నీతోడి సరసాలు బావ

గాటపు గుబ్బలు కదలగ కులికేవు
మాటల తేటల మరదలా
చీటికి మాటికి చెనకేవు వట్టి
బూటకాలు మాని పోవే బావ

అందిందె నన్ను అదలించి వేసేవు
మందమేలపు మరదలా
సందుకో తిరగేవు సటకారి ఓ బావ
పొందుకాదిక పోవే బావా

చొక్కపు గిలిగింత చూపుల నన్ను
మక్కువ సేసిన మరదలా
గక్కున నను వేంకటపతి గూడితి
దక్కించుకొంటివి తగువైతి బావ

Advertisement

తాజా వార్తలు

Advertisement