ఏవం శ్రుతిమత మిదమేవ
ప|| ఏవం శ్రుతిమత మిదమేవ త
ద్భావయితు మత:పరం నాస్తి ||ఏవం ||
చ|| అతులజన్మభోగాసక్తానాం
హితవైభవసుఖ మిదమేవ
సతతం శ్రీహరిసంకీర్తనం త
ద్వ్యతిరిక్తసుఖం వక్తుం నాస్తి ||ఏవం ||
చ|| బహుళ మరణపరిభవచిత్తానా
మిహపరసాధన మిదమేవ
అహిశయనమనోహరసేవా త
ద్విహరణం వినా విధిరపి నాస్తి ||ఏవం ||
చ|| సంసారదురితజాడ్యపరాణాం
హింసావిరహిత మిదమేవ
కంసాంతక వేంకటగిరిపతే: ప్ర
శంసైవా పశ్చా దిహ నాస్తి ||ఏవం ||