Wednesday, March 27, 2024

అన్నమయ్య కీర్తనలు : ఇన్నిటా నింతటా

ఇన్నిటా నింతటా నిరవొకటే
వెన్నుని నామమె వేదంబాయె

నలినదళాక్షుని నామకీర్తనము
కలిగి లోకమున కలదొకటే
యిల నిదియే భజియింపగపుణ్యులు
చెలగి తలప సంజీవని ఆయె

కోరిక నచ్యుత గోవిందా యని
ధీరులు తలపగ తెరువొకటే
ఘోర దురితహర గోవర్ధనధర
నారాయణ యని నమ్మగ కలిగె

తిరువేంకటగిరి దేవుని నామము
ధరతలపగ ఆధారమిదే
గరుడధ్వజుని సుఖప్రద నామము
నరులకెల్ల ప్రాణము తానాయె

Advertisement

తాజా వార్తలు

Advertisement