తిరుమల : తిరుమలలో భక్తుల రద్దీ పెరిగింది. ఇవాళ శ్రీవారి సర్వదర్శనానికి 24 కంపార్టు మెంట్లలో భక్తులు వేచిఉన్నారు.దీంతో స్వామివారిని దర్శించుకోవడానికి భక్తులకు 9 గంటల సమయం పడుతుంది.కంపార్టు మెంట్లు భక్తులతో కిటకిటలాడుతున్నాయి. నిన్న శ్రీవారిని 90,471మంది భక్తులు దర్శించుకోగా 37,039 మంది తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా హుండీ ఆదాయం రూ. 4.13 కోట్లు వచ్చిందని టీటీడీ అధికారులు తెలిపారు.