Friday, March 29, 2024

అన్నమయ్య కీర్తనలు : సహజ

రాగం : సామంత
సహజ వైష్ణవాచార వర్తనుల
సహవాసమె మా సంధ్య || సహజ ||

అతిశయమగు శ్రీహరి సంకీర్తన
సతతంబును మా సంధ్య
మతి రామానుజమతమే మాకును
చతురతమెరసిన సంధ్య || సహజ ||

పరమభాగవత పదసేవనమే
సరవినెన్న మా సంధ్య
సిరివరు మహిమలు చెలువొందగ వే
సరక వినుటే మా సంధ్య || సహజ ||

మంతుకెక్క తిరుమంత్ర పఠనమే
సంతతమును మా సంధ్య
కంతు గురుడు వేంకటగిరి రాయని
సంతర్పణమే మా సంధ్య || సహజ ||

Advertisement

తాజా వార్తలు

Advertisement