నవరసములదీ నళినాక్షీ
జవగట్టి నీకు జవిసేసీ || ||నవరసములదీ నళినాక్షీ||
శృంగారరసము చెలియమొకంబున
సంగతి వీరరసము గోళ్ల
రంగగు కరుణరసము పెదవులను
అంగపు కుచముల నద్భుతరసము || ||నవరసములదీ నళినాక్షీ||
చెలిహాస్యరసము సెలవుల నిండి
పలుచని నగుమున భయరసము
కలికి వాడి కన్నుల బీభత్సరసము
అలబొమ జంకెనల అదె రౌద్రంబు || ||నవరసములదీ నళినాక్షీ||
సతిరతి మరపుల శాంతసంబదె
అతిమోహము పతియవ రసము
ఇతవుగ శ్రీవేంటేశ గూడితివి
సతమై యీమెకు సంతోషరసము || ||నవరసములదీ నళినాక్షీ||