రాగం : శ్రీరాగం
ఓ పవనాత్మజ ఓ ఘనుడా
బాపు బాపనగ పరగితిగా || ఓ పవనాత్మజ ||
ఓ హనుమంతుడ ఉదయాచల ని
ర్వాహక నిజసర్వప్రబలా
దేహము మోచిన తెగువకు నిటువలె
సాహమిటువలె చాటితిగా || ఓ పవనాత్మజ ||
ఓ రవి గ్రహణ ఓ దనుజాంతక
మారులేక మతి మలసితిగా
దారుణపు వినతా తనయాదులు
గారవింపనిటు కలిగితిగా || ఓ పవనాత్మజ ||
ఓ దశముఖహర ఓ వేంకటపతి
పాదసరోరుహ పాలకుడా
ఈ దేహముతో ఇన్నిలోకములు
నీ దేహమెక్కనిలిచితిగా || ఓ పవనాత్మజ ||