Tuesday, September 21, 2021

అన్నమయ్య కీర్తనలు : పరమాత్మ

రాగం : శుద్ధధన్యాసి

పరమాత్ముడైన హరి పట్టపు రాణివి నీవు
ధర మమ్ము విచారించదగు నీకు నమ్మా || పరమాత్మ ||

కమలజు గన్నతల్లి కాముని గన్నతల్లి
అమరుల గన్నతల్లి ఆదిమలక్ష్మి
విమలపు నీపతికి విన్నపము సేసి మమ్ము
నెమకి యేలితి దయ నీకే తగునమ్మా || పరమాత్మ ||

కామధేను తోబుట్టుగ కల్పకము తోబుట్టుగ
దోమటి చల్లని చంద్రు తోబుట్టుగ
నీ మనగి పంపునను నిజసిరులిచ్చితివి
నేమపు వితరణము నీకే తగునమ్మా || పరమాత్మ ||

పాలజలధి కన్యవు పద్మాసనివి నీవు
పాల పండే వేంకటపతి దేవివి
యేలిన ఇతని బంట్లకు ఇహపరాలిచ్చి మా
పాలగలిగితివి సంబంధము మేలమ్మా || పరమాత్మ ||

Advertisement

తాజా వార్తలు

Advertisement
Prabha News