Saturday, July 24, 2021

అన్నమయ్య కీర్తనలు : ఒకపరి కొకపరి

రాగం : ఖరహరప్రియ

ఒకపరి కొకపరి కొయ్యారమై
మొకమున కళలెల్ల మొలచినట్లుండె || ఒకపరి ||

జగదేకపతిమేన చల్లిన కర్పూర ధూళి
జిగికొని నలువంక చిందగాను
మొగి చంద్రముఖి నురమున నిలిపెగాన
పొగరువెన్నెల దిగబోసి నట్లుండె || ఒకపరి ||

పొరి మెఱుగు చెక్కుల పూసిన తట్టుపునుగు
కరిగి ఇరుదెసల కారగాను
కరిగమన వి భుడు గనుక మోహమదము
తొరిగి సామజ సిరి తొలికినట్లుండె || ఒకపరి ||

మెఱయు శ్రీవేంకటేశు మేన సింగారముగాను
త రచైన సొమ్ములు ధరిం యించగా
మెఱుగు బోణీ అలుమేలు మంగయు తాను
మెఱుపు మేఘము గూడి మెఱసినట్లుండె || ఒకపరి ||

Advertisement

తాజా వార్తలు

Advertisement
Prabha News