Friday, October 22, 2021

అన్నమయ్య కీర్తనలు : ఇతడొకడే సర్వేశ్వరుడు

ఇతడొకడే సర్వేశ్వరుడు
సితకమలాక్షుడు శ్రీ వేంకటేశుడు ||

పరమయోగులకు భావ నిధానము
అరయ నింద్రాదుల కైశ్వర్యము
గరిమ గొల్లెతల కౌగిటి సౌఖ్యము
సిరులొసగే ఈ శ్రీ వేంకటేశుడు ||

కలికి యశోదకు కన్నమాణికము
తలచిన కరికిని తగుదిక్కు
అలద్రౌపదికిని ఆపద్భంధుడు
చెలరేగిన ఈ శ్రీవేంకటేశుడు ||

తగిలిన మునులకు తపముల సత్ఫలము
ముగురు వేల్పులకు మూలము
ఒగి నలమేల్మంగ కొనరినపతి యితడు
జిగిమించిన ఈ శ్రీవేంకటేశుడు ||

Advertisement

తాజా వార్తలు

Advertisement
Prabha News