Sunday, November 28, 2021

అన్నమయ్య కీర్తనలు : అన్నిటికినిది

రాగం : ఖరహరిప్రియ

ప|| అన్నిటికి నిది పరమౌషధము
వెన్నుని నామమే విమలౌషధము ||

చ|| చిత్తశాంతికిని శ్రీపతినామమె
హత్తిన నిజ దివ్యౌషధము
మొత్తపు బంధ విమోచనంబునకు
చిత్తజగురుడే సిద్ధౌషధము ||

చ|| పరిపరి విధముల భవరోగములకు
హరిపాదజలమె ఔషధము
దురిత కర్మముల తొలగించుటకు
మురహర పూజే ముఖ్యౌషధము ||

చ|| యిల నిహపరముల ఇందిరా వి భుని
అలరి భజింపుటె ఔషధము
కలిగిన శ్రీ వేంకటపతి శరణమే
నిలిచిన మాకిది నిత్యౌషధము ||

Advertisement

తాజా వార్తలు

Advertisement
Prabha News