Friday, October 22, 2021

అన్నమయ్య కీర్తనలు : అనియానతిచ్చె

రాగం : శుద్ధసావేరి

ప|| అనియానతిచ్చె కృష్ణుడర్జునునితో
విని యాతని భజించు వివేకమా ||

చ|| భూమిలోను చొచ్చి సర్వభూత ప్రాణులనెల్ల
దీమసాన మోచేటి దేవుడ నేను
కామించి సస్యములు కలిగించి చంద్రుడనై
తేమల పండించేటి దేవుడ నేను ||

చ|| దీపనాగ్నినై జీవదేహముల అన్నములు
తీపుల నరగించేటి దేవుడ నేను
ఏపున నిందరిలోని హృదయములోన నుందు
దీపింతు తలపు మరపై దేవుడ నేను ||

చ|| వేదము లన్నటిచేత వేదంతవేత్తలచే
ఆది నే నెరగతగిన ఆ దేవుడను
శ్రీదేవితో గూడి శ్రీ వేంకటాద్రి మీద
పాదైన దేవుడను భావించ నేను ||

Advertisement

తాజా వార్తలు

Advertisement
Prabha News