తమిళ స్టార్ హీరో విజయ్ దళపతి పుట్టినరోజు సందర్భంగా సోషల్ మీడియాలో హంగామా మొదలైంది. జూన్ 22 పుట్టినరోజు కాగా ముందు నుంచే అభిమానులు సోషల్ మీడియాలో రచ్చ చేస్తున్నారు. ఆయన సీడీపీలను నెట్టింట్లో వైరల్ చేస్తున్నారు. కాగా ఈ నేపథ్యంలోనే విజయ్ హీరోగా నటిస్తున్న కొత్త చిత్రానికి సంబంధించిన ఫస్ట్ లుక్ ను అలాగే టైటిల్ ను చిత్ర యూనిట్ రిలీజ్ చేసింది. నెల్సన్ దిలీప్ కుమార్ దర్శకత్వంలో విజయ్ తన 65 సినిమా చేస్తున్నాడు.
ఈ సినిమాకు సంబంధించి అప్డేట్ ను నెల్సన్ దిలీప్ కుమార్ రిలీజ్ చేశారు. ఈ సినిమాకు బీస్ట్ అనే టైటిల్ ని ఫిక్స్ చేశారు. అంతేకాకుండా ఫస్ట్ లుక్ ని కూడా రిలీజ్ చేశారు. ఫస్ట్ లుక్ లో గన్ తో నడుస్తూ కనిపించాడు విజయ్. ఇక ఈ సినిమాలో పూజా హెగ్డే హీరోయిన్ గా నటిస్తోంది. అలాగే ఈ సినిమాకు అనిరుధ్ సంగీతం అందిస్తుండగా సన్ పిక్చర్స్ వారు నిర్మిస్తున్నారు.