పవర్ స్టార్ పవన్ కళ్యాణ్ హీరోగా వేణు శ్రీరామ్ దర్శకత్వంలో ప్రేక్షకుల ముందుకు రాబోతున్న చిత్రం వకీల్ సాబ్. బాలీవుడ్ లో అమితాబ్ నటించిన పింక్ సినిమాకు రీమేక్ గా ఈ చిత్రం తెరకెక్కుతోంది. కాగా ఈరోజు సాయంత్రం 6 గంటలకు ఎంపిక చేసిన థియేటర్స్ లో ట్రైలర్ విడుదల కానుంది. లాంగ్ గ్యాప్ తర్వాత పవన్ కళ్యాణ్ వెండితెరపై సందడి చేస్తున్న సినిమా కావడంతో ఈ సినిమాపై భారీ అంచనాలు నెలకొన్నాయి.
మరోవైపు పవన్ అభిమానులు సంబరాలు చేసుకోవడానికి సిద్ధంగా ఉన్నారు. ఇక ఈ సినిమా ఏప్రిల్ 9న ప్రేక్షకుల ముందుకు రాబోతోంది. ఇదిలా ఉండగా ఈ సినిమాతో పాటు మరో మూడు సినిమాలు పవన్ చేస్తున్నాడు. క్రిష్ దర్శకత్వంలో హరిహర వీరమల్లు, సాగర్ కే చంద్ర దర్శకత్వంలో అయ్యప్పనుమ్ కొషియం రీమేక్,అలాగే గబ్బర్ సింగ్ డైరెక్టర్ హరీష్ శంకర్ దర్శకత్వంలో మరో సినిమా చేస్తున్నాడు.