పవర్ స్టార్ పవన్ కళ్యాణ్ హీరోగా వేణు శ్రీను దర్శకత్వం లో ప్రేక్షకుల ముందుకు వచ్చిన చిత్రం వకీల్ సాబ్. భారీ అంచనాల మధ్య ఏప్రిల్ 9న రిలీజ్ అయిన ఈ చిత్రం ఘనవిజయం సాధించడంతో పాటు మంచి వసూళ్లను సైతం రాబట్టింది. బాలీవుడ్ లో అమితాబ్ నటించిన పింక్ సినిమాకు రీమేక్ గా తెరకెక్కిన ఈ చిత్రంలో అంజలి, నివేద థామస్, అనన్య కీలక పాత్రలు పోషించారు. అలాగే శృతిహాసన్ పవన్ సరసన నటించింది.
అయితే ఏప్రిల్ 30 న ఈ చిత్రం అమెజాన్ ప్రైమ్ లో స్ట్రీమింగ్ కానున్నట్లు చిత్ర యూనిట్ అధికారికంగా ప్రకటించింది. అయితే అందుకు కారణం లేకపోలేదట. లేట్ కంటే త్వరగా వస్తే ఓటీటీ సంస్థ నుంచి ఎక్కువ మొత్తంలో సొమ్ము వచ్చే అవకాశం ఉందని దర్శక నిర్మాతలు ఈ ప్లాన్ చేశారట. అలాగే పవన్ ఫ్యాన్స్ కూడా ఈ నిర్ణయం పట్ల హ్యాపీగానే ఉన్నట్లు తెలుస్తోంది.